Umsókn um dvöl í leikskólanum Vinaminni

Sótt er um dvöl fyrir barn í leikskólanum Vinaminni með því að fylla inn umsókn í gegnum innskráningarkerfið Völu, eins og þegar sótt er um í aðra leikskóla. Sækja má um leikskóla frá fæðingardegi barns eða strax og kennitala þess hefur verið skráð.

Við val á leikskóla er hægt að velja bæði sjálfstætt starfandi leikskóla eins og Vinaminni og borgarrekna í sömu umsókn. Foreldrar sækja um að lágmarki tvo leikskóla fyrir barn sitt.

Sækja má um forgang að leikskólaplássi fyrir barn ef sérstakar aðstæður mæla með því í samræmi við reglur um leikskólaþjónustu. Það er gert inni á mínar síður á heimasíðu Reykjavíkurborgar.

Hér fyrir neðan er hlekkur þar sem hægt er að sækja um leikskólapláss í gegnum Völu ásamt því að hér eru leiðbeiningar um hvernig það er gert.

Eingöngu þarf að sækja um fyrir börn sem ekki hafa leikskólapláss

 

Umsókn um breyttan dvalartíma og afsláttarkjör

Sótt er um breyttan dvalartíma í Völunni með eins mánaðar fyrirvara sem leikskólastjóri þarf að samþykkja.

Sækja þarf um tekjutengda afslætti og koma nánari upplýsingar um það síðar.

 

 

Vala

Ákvörðun um fjölda barna í leikskólanum Vinaminni tekur mið af samsetningu barnahópsins, dvalartíma barna dag hvern, aldri þeirra og þörfum, samsetningu starfsmannahóps, húsnæðis og umfangi sérfræðiþjónustu.

 

 

Innritun

Í byrjun mars ár hvert hefst hin svokalla stóra innritun í leikskóla fyrir haustið.

Innritun hefst 2. mars 2026  – frá 2. mars til 15. apríl er ekki hægt að gera breytingar

Foreldrar þurfa að vera búnir að fara vel yfir sýnar umsóknir í Völu fyrir þann tíma.

Frá og með 2. mars 2026 verður ekki hægt að gera breytingar eða skrá nýjar umsóknir á meðan úthlutunartímabili stendur. Gera má ráð fyrir að úthlutun standi yfir til 15. apríl 2026.

Losni leikskólapláss utan ofangreinds úthlutunartímabils er úthlutað plássi inn á viðkomandi deild, elsta barni, til samræmis við aldursviðmið viðkomandi dieldar.

 

 

Úthlutun

Börn með Vinaminni í fyrsta val eru sett í forgang

Börnum er úthlutað leikskólaplássi inn á deildir eftir aldri, elsta barnið fyrst, til samræmis við aldursviðmið viðkomandi deildar og ákvörðun um fjölda barna í leikskólanum.

Börn sem eiga systkini í leikskólanum Vinaminni njóta systkinatillits svo framarlega sem þeim börnum sem eru fyrir framan þau á biðlista býðst rými í öðrum þeim leikskóla sem forsjármenn setja til vara.

Foreldrar fá sent bréf þegar barn þeirra hefur fengið inngöngu í leikskólann Vinaminni og skulu foreldrar staðfesta að þeir þiggi leikskólaplássið innan 5 daga frá dagsetningu bréfsins.

Hafi ekki borist staðfesting frá foreldrum innan tilskilins frests er barnið tekið af lista og öðru barni boðið plássið.

 

 

 

Dvalarsamningur

Áður en leikskóladvöl barns hefst gerir leikskólinn Vinaminni og foreldrar með sér dvalarsamning.
Með undirritun sinni staðfesta foreldrar að þeir hafi kynnt sér leikskólagjöld Vinaminnis og
reglur um leikskólaþjónustu og skuldbinda sig til þess að hlíta þeim eins og þær eru á hverjum tíma.

Reglur um leikskólaþjónustu

Leikskólagjöld í Vinaminni