Leikskólinn Vinaminni er fjögurra deilda sjálfstæður leikskóli,

hann starfar samkvæmt aðalnámskrá leikskóla sem er stefnumótandi leiðarvísir um uppeldisstörf í leikskólum landsins. Auk þess hefur leikskólinn sína eigin námskrá sem er byggð á þeirri hugmyndafræði, markmiðum og áherslum sem starfsfólk hefur sameinast um og hentar ytri aðstæðum skólans.

Í Vinaminni er unnið metnaðarfullt fagstarf þar sem hverju barni er mætt á eigin forsendum. það er einnig gott foreldrasamstarf í skólanum með virkri þátttöku foreldra.

Foreldramorgunverður á föstudögum eflir tengsl foreldra og starfsmanna og foreldranna sín á milli

einnig er yndislegt fyrir börnin að fá foreldrana inn í leikskólann og eiga með þeim notalega stund.

Útileiksvæðið er útbúið leiktækjum frá Barnasmiðjunni/Krumma og fyrir utan garðinn er stór hóll sem er mjög gaman að fara á, sérstaklega yfir veturinn þegar hægt er að renna sér í snjónum. Þá er líka leikssvæði borgarinnar við hlið leikskólans og notum við það svæði óspart til að fá meiri tilbreytingu í útileikinn.

Lögð er mjög mikil áhersla á að taka vel á móti hverju barni
svo það finni sig velkomið og mikilvægt í leikskólanum.

Börnin þurfa að upplifa öryggi og það viðmót sem þau mæta getur haft úrslitaþýðingu varðandi góð samskipti og tengsl.

Í leikskólanum eru börn á aldrinum 1 – 6 ára.
Leikskólinn er opinn frá kl: 7:30 til kl: 16:30

Umsókn um dvöl

Í Vinaminni eru um 86 hamingjusöm börn
að leik á degi hverjum.