Leikskólinn Vinaminni

Kæru foreldrar!

Starfsfólki Vinaminnis er boðið á ráðstefnu
„Samtaka sjálfstæðra skóla“
sem ber yfirskriftina
„Fögnum árangri allra!
Ráðstefnan verður 9. mars.
Til að allt starfsfólkið geti farið á ráðstefnuna bið ég ykkur foreldra að sækja börnin ykkar snemma í leikskólann þann dag, eða
ekki seinna en kl 14:00.

Með fyrirfram þökk
Sólveig leikskólastjóri

Kæru foreldrar

Á morgun miðvikudaginn 22. febrúar verður
ÖSKUDAGSHÁTÍÐ
Í Vinaminni og hefst kl 09:30
Börnin geta komið í furðufötum ef þau vilja.

Börnin á Álfasteini og Dvergasteini verða saman á Álfasteini, syngja öskudagslög , slá köttinn úr tunninni hvert og eitt, smakka poppkorn og stíga lítinn skrítinn dans. Börnin hafa nú þegar skreytt tunnuna fyrir hátíðina.

Börnin á Völusteini, Gimsteini og Töfrasteini verða saman á Gimsteini á hátíðinni, syngja öskudagslög og hver og einn reynir að slá köttinn úr tunnunni við mikla hvatningu hinna barnanna. Það verður svo stiginn villtur trilltur dans í þessum hópi meðan allir gæða sér á poppkorni og vatnssopa. Mikið fjör....

Kæru foreldrar

Vetur konungur gengur yfir með miklum umhleypingum um þessar mundir. Börnin fara samt sem áður út að leika eftir því sem aðstæður leyfa. Eru börnin á Gimsteini og Töfrasteini duglegust á þeim vettvangi enda elst í hópnum. Börnin á Völusteini, Dvergasteini og Álfasteini hafa komist minna út enda styttri fætur sem ráða ekki eins vel við hálku, stóra rigningarpolla og mikinn snjó. Vonandi fer veðrið að lagast svo allir geti fengið ferskt loft í lungun og fullnægt hreyfiþörfinni .

Innandyra er alltaf nóg að starfa.

Á Töfrasteini og Gimsteini fara börnin í , vísdómsstundir ( á Töfrast.),hópastarf, smiðju, búleiki og hin ýmsu einbeitingarviðfangsefni, byggingaleiki og svona mætti lengi telja. Það er gaman að segja frá því hvað börnin eru upptekin við að teikna og lita um þessar mundir og mjög miklar framfarir hjá þeim í þeim efnum.

Börnin á Völusteini, Dvergasteini og Álfasteini takast á við ýmiss viðfangsefni þó á annan hátt en eldri börnin. Þau leika mikið í könnunarleik, byggingarleikjum ýmiskonar, dúkkur, bangsar, bílar o.fl. svo og einbeitingarviðfangsefni (teikna, pússla, pinna, perla með stórum perlum og leira) og þau fara í smiðju og vinna í myndlist. Framfarirnar eru einnig miklar hjá þessum börnum t.d. í máli og málskilningi og í leiknum sjálfum.